Skilmálar Karró

Karró er þjónusta rekin af Novamedia ehf. (kt. 540606-2260). Novamedia ehf. (hér eftir „Þjónustuaðili" eða „Karró") veitir viðskiptavinum aðgang að vefverslunarkerfi sem byggir á WordPress og WooCommerce grunni, ásamt hýsingu, tæknilegu viðhaldi og tengingum við þriðja aðila (hér eftir „Þjónustan"). Með því að stofna aðgang eða kaupa áskrift samþykkir viðskiptavinur þessa skilmála í heild sinni.

2.1. Þjónustan er seld í mánaðarlegri áskrift samkvæmt gildandi verðskrá.

2.2. Lágmarksbinditími er 6 mánuðir frá upphafi áskriftar, nema annað sé sérstaklega tekið fram í samningi. Uppsögn er ekki heimil á binditíma.

2.3. Að binditíma loknum framlengist áskriftin sjálfkrafa um einn mánuð í senn, nema henni sé sagt upp með minnst 30 daga fyrirvara.

Þjónustan er leiga á hugbúnaði og tækni (SaaS), ekki sala á vefsíðu. Eftirfarandi reglur gilda um eignarhald:

3.1. Gögn Viðskiptavinar (Þín eign): Viðskiptavinur á fullan eignarrétt á öllu efni sem hann setur inn í kerfið. Þetta felur í sér vörulista, vörulýsingar, verð, myndefni, viðskiptamannaskrá og pöntunarsögu. Viðskiptavinur getur hvenær sem er óskað eftir afriti af þessum gögnum á tölvulesanlegu formi (CSV/XML).

3.2. Hugbúnaður og Uppsetning (Eign Karró): Karró (eða samstarfsaðilar þess) á eignarrétt á grunnkerfi þjónustunnar. Þetta nær til tæknilegrar uppsetningar, sérsniðinna útlita (themes), viðbóta (plugins), kóða og hönnunar sem Karró leggur til. Viðskiptavinur fær afnotarétt af þessum þáttum á meðan áskrift stendur yfir.

3.3. Takmarkanir á flutningi og afritun: Ekki er heimilt að flytja, afrita eða „klóna" vefkerfið í heild sinni yfir á aðra hýsingu (t.d. með notkun afritunar-viðbóta eins og All-in-One WP Migration eða sambærilegra tóla). Þjónustan felur ekki í sér afhendingu á kóða, gagnagrunni (SQL dump) eða kerfisskrám við uppsögn, heldur eingöngu útflutning á gögnum viðskiptavinar (sbr. lið 3.1).

3.4. Viðurlög við óheimilli afritun: Verði viðskiptavinur uppvís að því að reyna að afrita kerfið, hönnun þess eða hugverk Karró yfir á annan þjónustuaðila í leyfisleysi, telst það alvarlegt samningsbrot og brot á hugverkarétti. Slíkt brot varðar:

• Tafarlausri lokun á þjónustu og aðgangi án fyrirvara.
• Skaðabótaábyrgð vegna þess tjóns sem Karró verður fyrir (m.a. vegna tapaðra tekna og kostnaðar við uppsetningu og hönnun).

4.1. Uppsögn skal berast skriflega á netfangið karro@karro.is.

4.2. Við uppsögn aðstoðar Karró viðskiptavin við að flytja út gögn sín (vörur, viðskiptavini og pantanir) á stöðluðu formi.

4.3. Aðgangi að stjórnborði og vefverslun verður lokað við lok uppsagnarfrests. Karró ber ekki ábyrgð á gögnum sem ekki hefur verið óskað eftir afriti af innan 30 daga frá lokun þjónustu.

5.1. Karró leitast við að tryggja 99.9% uppitíma á kerfum sínum.

5.2. Karró tekur daglega afrit af gögnum til að tryggja öryggi.

5.3. Karró ber ekki ábyrgð á tekjutapi eða óbeinu tjóni sem kann að hljótast af niðritíma, villum í hugbúnaði þriðja aðila (t.d. greiðslugátta eða sendingaraðila) eða rangri notkun viðskiptavinar á kerfinu.

6.1. Áskriftargjöld eru innheimt mánaðarlega með greiðsluseðli sem sendur er á skráða kennitölu. Engin þörf á kreditkorti.

6.2. Sé greiðsla ekki innt af hendi á gjalddaga áskilur Karró sér rétt til að loka fyrir aðgang að þjónustunni þar til skuldin er greidd að fullu.

6.3. Enginn stofnkostnaður er innheimtur við upphaf þjónustu, gegn 6 mánaða binditíma. Segi viðskiptavinur upp samningi áður en binditíma lýkur ber honum að greiða eftirstöðvar binditímans.

Karró meðhöndlar persónuupplýsingar í samræmi við lög um persónuvernd og vinnslu persónuupplýsinga. Karró kemur fram sem vinnsluaðili fyrir hönd viðskiptavinar (ábyrgðaraðila) hvað varðar gögn endanlegra kaupenda í vefverslun.

Samningur þessi heyrir undir íslensk lög. Rísi mál út af samningnum skal það rekið fyrir Héraðsdómi Reykjavíkur.