Hvernig vel ég og breyti útliti (Theme)?

Til að sjá hvaða útlit eru í boði gerir þú eftirfarandi:

1. Skráðu þig inn á stjórnborðið þitt.
2. Veldu Útlit (Appearance) í valmyndinni vinstra megin og smelltu á Þemu (Themes).
3. Þar sérðu lista yfir öll útlit sem eru í boði í Karró og getur flett í gegnum þau.

Áður en þú smellir á „Virkja“ er alltaf best að sjá hvernig útlitið kemur til með að líta út með þínum vörum og gögnum.

1. Færðu músina yfir útlitið sem þú vilt skoða og smelltu á „Live Preview“ (Forskoða).
2. Þá opnast gluggi þar sem þú sérð vefverslunina þína í nýja búningnum.

Athugið: Á þessu stigi hafa engar breytingar orðið á vefnum þínum. Kúnnar sjá enn gamla útlitið þar til þú virkjar nýja þemað.

Ef þér líst vel á breytinguna smellir þú á „Activate & Publish“ efst í vinstra horninu til að gera nýja útlitið sýnilegt.

Þegar þú hefur valið rétta þemað þarftu að gera það að þínu. Það gerir þú í Sérsníða (Customize) tólinu.

1. Farðu í Útlit > Sérsníða (Customize).
2. Farðu í gegnum eftirfarandi flokka:

• Site Identity: Hlaðið upp lógóinu þínu og Site Icon (litla tákninu í vafranum).
• Colors: Breyttu grunnlitunum (hnappalitir, bakgrunnur o.fl.) í liti vörumerkisins.
• Typography: Veldu leturgerðir sem passa við þinn stíl.
• Header & Footer: Stjórnaðu því hvað birtist efst og neðst á síðunni (t.d. símanúmer og samfélagsmiðlar).

Mundu að smella á „Publish“ þegar þú ert ánægð(ur) með breytingarnar svo þær taki gildi.

4. Breyta forsíðunni (Drag & drop)

Útlitið (theme) stjórnar rammanum utan um síðuna, en innihaldið á forsíðunni – myndir, textar og vöruborðar – er yfirleitt stýrt af ritli eins og Elementor.

1. Farðu á forsíðuna þína og smelltu á „Edit with Elementor“ (eða „Breyta síðu“ eftir því hvaða ritill er í gangi).
2. Þar geturðu dregið inn nýjar einingar, breytt texta í borðum og raðað upp vörulistum með einföldum hætti.