Karró
Til baka á þjónustuborð

Aðgangur & lén

Gleymt lykilorð / breyta lykilorði

Öflugt, einstakt lykilorð er ein mikilvægasta vörn þín gegn óprúttnum aðilum. Hér lærir þú bæði hvernig á að breyta lykilorðinu þínu og hvað þú gerir ef þú kemst alls ekki inn.

Athugaðu að þessi grein á við um innskráningu í Karró og WordPress. Lykilorð fyrir tölvupóst (Outlook/Gmail/Rackspace) er aðskilið og breytist ekki hér.

1. Breyta lykilorði (þegar þú ert skráð(ur) inn)

Ef þú ert þegar innskráð(ur) í stjórnborðið en vilt uppfæra lykilorðið þitt – til dæmis af öryggisástæðum – gerirðu það á þínum eigin prófíl.

  1. Skráðu þig inn á stjórnborðið.
  2. Farðu í Users (Notendur) > Profile (Prófíll / My profile) í valmyndinni vinstra megin.
  3. Skrollaðu neðst á síðuna að hlutanum „Account Management“.
  4. Smelltu á „Set new password“ / „Búa til nýtt lykilorð“.
  5. Kerfið býr til mjög sterkt lykilorð fyrir þig sjálfkrafa. Þú getur skrifað þitt eigið í staðinn, en við mælum eindregið með að nota tillöguna og geyma hana í lykilorðageymslu (Password Manager).
  6. Smelltu á „Update profile“ (Uppfæra notanda) til að vista breytinguna.

2. Gleymt lykilorð – kemst ekki inn

Ef þú manst ekki lykilorðið og kemst ekki inn í stjórnborðið geturðu endurstillt það með „Gleymt lykilorð“ virkni.

  1. Farðu á innskráningarsíðuna þína – oftast dinverslun.is/wp-admin eða minar.karro.is.
  2. Smelltu á hlekkinn „Lost your password?“ / „Gleymdir þú lykilorðinu?“ undir innskráningarreitunum.
  3. Sláðu inn notandanafn þitt eða netfang.
  4. Smelltu á „Get new password“ / „Fá nýtt lykilorð“.
  5. Skoðaðu tölvupóstinn þinn – þú færð sendan póst með hlekk til að setja nýtt lykilorð.
  6. Smelltu á hlekkinn í póstinum og veldu nýtt lykilorð.

3. Breyta lykilorði starfsmanns (fyrir stjórnendur)

Ef starfsmaður kemst ekki inn og nær ekki að nota „Gleymt lykilorð“ getur stjórnandi endurstillt lykilorðið fyrir hann.

  1. Skráðu þig inn sem Administrator (stjórnandi).
  2. Farðu í Users > All Users (Notendur > Allir notendur).
  3. Smelltu á notandann sem þú vilt breyta.
  4. Skrollaðu niður í „Account Management“ og smelltu á „Set new password“.
  5. Afritaðu nýja lykilorðið og sendu viðkomandi á öruggan hátt (ekki í opnum spjallrásum o.s.frv.).
  6. Smelltu á „Update user“ til að vista breytinguna.

Algengar spurningar

Af hverju þarf lykilorðið að vera svona flókið?

Vefverslanir geyma viðkvæmar upplýsingar um viðskiptavini og pantanir. Þess vegna krefst kerfið sterkra lykilorða með blöndu af stöfum, tölum og táknum. Lykilorð eins og „123456“ eða „lykilorð123“ verða líklega hafnað.

Ég fæ engan tölvupóst þegar ég bið um nýtt lykilorð

Athugaðu fyrst Spam / Ruslpóst eða „Promotions“ flipann í pósthólfinu. Pósturinn kemur oft frá WordPress eða Karró.

Ef þú finnur hann hvergi, hafðu samband við þjónustuborð og við hjálpum þér að endurheimta aðganginn.

Breytist lykilorðið á tölvupóstinum mínum líka?

Nei. Þetta lykilorð á einungis við um innskráningu í Karró / WordPress. Tölvupóstur (Outlook/Gmail/Rackspace) notar sitt eigið lykilorð sem breytist ekki hér – það er stillt í póstþjónustunni sjálfri.